မြန်မာ့မော်တော်ယာဉ်ထုတ်လုပ်ဖြန့်ဖြူးရောင်းချခွင့်တရားဝင်ရရှိထားသည့်အဖွဲ့အစည်း(MAADA)မှ မြန်မာ့ပထမဆုံး ကားပြပွဲကို ၂၀၁၈ ဇန်နဝါရီတွင် ကျင်းပမည်

မြန်မာ့မော်တော်ယာဉ်ထုတ်လုပ်ဖြန့်ဖြူးရောင်းချခွင့်တရားဝင်ရရှိထားသည့်အဖွဲ့အစည်း (MAADA)မှဦးစီးပြီး မြန်မာနိုင်ငံတွင် ပထမဆုံးအကြိမ်အဖြစ်ပြုလုပ်မည့် Myanmar International Motor Show 2018 ကိုလာမည့် ဇန်နဝါရီလ ၁၈ရက်မှ ၂၈ ရက်အထိ သုဝဏ္ဏဘူမိ Event Park တွင်ကျင်းပသွားမည်ဖြစ်ကြောင်း အဆိုပါပွဲအား တာဝန်ယူဆောင်ရွက်ပေးမည့် ကုမ္ပဏီများနှင့် သဘောတူစာချူပ်ချူပ်ဆိုပွဲမှ သိရှိရသည်။ ထိုကုမ္ပဏီများမှာ ထိုင်းနိုင်ငံတကာကားပြပွဲများကို တာဝန်ယူပြုလုပ်ပေးနေသော Grand Prix International နှင့် ဟောင် ကောင်အခြေစိုက် AsiaConnect Co.,Ltd တို့ဖြစ်ကြသည်။ ၂၀၁၈ Myanmar International Motor Show တွင် BMW,Jaguar,Volvo, Ford,Suzuki,Land Rover,Nissan,DFM,Mitsubishi,Chevrolet, Scania, Hyundai Commerical Trucks နှင့် Hion တို့ပါဝင်ပြသကြ မည်ဖြစ်သည်။ ထိုပွဲအတွင်း အပိုင်း ၄ ပိုင်းခွဲခြား ထားမည်ဖြစ်ကာ အပိုင်း ၁ တွင် Brand New Car များပြသခြင်းနှင့် ရောင်းချခြင်း၊အပိုင်း ၂ တွင် စီးပွားရေးလုပ်ငန်းသုံးယာဉ်များပြသခြင်းနှင့် ရောင်းချခြင်း၊အပိုင်း ၃ တွင် Brand New Car များအတွက်သီး သန့်ဖြစ်သော Spare partsများ၊ တာယာများ၊ချောဆီနှင့်စက်သုံးဆီများ၊ကားသန့်ရှင်းရေးထုတ်ကုန်များနှင့် နည်းပညာများ၊Car Showroom များမှ စီစဉ်ပေးသော Service များ၊ အာမခံကုမ္ပဏီများ၊အရစ်ကျစနစ်ဖြင့် ဝယ်ယူနိုင်စေရန်ဆောင်ရွက်ပေးမည့် ဘဏ်Service များနှင့် အခြားဆက်စပ်သောအရာများကို ခင်းကျင်းပြသပေး သွားမည်ဖြစ်ကာ အပိုင်း ၄ တွင် ကားများကို Test Drive လုပ်ရန်နေရာ၊ Concept ကားပြသခြင်းနှင့် Car အသစ်မိတ်ဆက်ခြင်းများကို ပြပေးသွားမည်ဟုသိရသည်။ ပြပွဲစတင်မည့် ဇန်နဝါရီ ၁၈ ရက်တွင် VIP day အဖြစ်သတ်မှတ်ပြီး နံနက် ၁၀ နာရီမှ ညနေ၆ နာရီအထိဖွင့် လှစ်ပြသမည်ဖြစ်ပြီး ဇန်နဝါရီ ၁၉ ရက်မှစတင်ပြီး ကျန်ရက်များတွင်မူ နေံလည် ၁ နာရီမှ ည ၉ နာရီအထိပြသသွားမည်ဖြစ်ကြောင်း သိရသည်။