အမေရိကန်နာမည်ကျော် ကားအမှတ်တံဆိပ်ဖြစ်တဲ့ Hummer ဟာ ကာလအတန်ကြာ သတင်း ထွက်ပေါ်နေခဲ့တဲ့ သူတို့ရဲ့ မော်ဒယ်သစ် Hummer EV Edition 1 – Pick up ကို ပြီးခဲ့တဲ့ရက်အတွင်း မိတ်ဆက်သွားခဲ့ပြီး ဈေးကွက်အတွင်း Hummer ရဲ့ တကျော့ပြန်ခြေလှမ်းအသစ်ကို ပြန်လည်မြင်တွေ့ရတော့မှာဖြစ်ပါတယ်။
Hummer ရဲ့ ယခင်မျိုးဆက်တွေအတိုင်း ကြီးမားခန့်ထည်တဲ့ ရုပ်ထွက်ပိုင်းနဲ့ စွမ်းဆောင်ရည်ပိုင်း အထူးမြှင့်တင်ထားပြီး နောက်ဆုံးပေါ် နည်းပညာတွေကိုလည်း အသုံးပြုထားပါတယ်။
Hummer EV Edition 1 ဟာ စွမ်းဆောင်ရည်ပိုင်းအတွက် elelctric motor (၃)ခုနဲ့ မြင်းကောင်ရေ 1000 hp နဲ့ 11,500 lb-ft ရုန်းအားထွက်ရှိမှာဖြစ်ပြီး 0-60 mph ကို 3 seconds မြန်နှုန်းထိ မောင်းနှင်နိုင်မယ့် Electric SuperTruck တစ်စီးဖြစ်ပါတယ်။ မော်တာများအတွက် 24-module Ultium battery pack ကို အသုံးပြုထားပြီး 800-volt DC fast charger နဲ့ (၁၀)မိနစ်အားသွင်းကာ မိုင်(၁၀၀) နီးပါးထိ မောင်းနှင်နိုင်မှာဖြစ်ပါတယ်။
အတွင်းခန်းကို ကျယ်ပြန့်တဲ့ပုံစံနဲ့ ခန့်ထည်စွာ ဒီဇိုင်းဆင်ထားပြီး နည်းပညာပိုင်းအရ Four-Wheel Steering system၊ ဘေးတိုက်ရွေးလျားနိုင်မယ့် Crab Mode၊ Extect Mode၊ Ultravision၊ Super Cruise စသည်တို့အပြင် အမိုးများကို ဖြုတ်နိုင်ပါသေးတယ်။ Hummer EV Edition 1 ရဲ့ ဈေးနှုန်းကိုတော့ ဒေါ်လာ 112,595 နဲ့ ရောင်းချသွားမှာဖြစ်ပြီး ၂၀၂၁ ခုနှစ် နောင်းပိုင်းတွင် ဈေးကွက်ထဲ စတင်ဖြန့်ချိသွားဖို့ရှိနေပါတယ်။

ခမ်းနားကြီးကျယ်မှုနဲ့ ပြန်လည်မွေးဖွားလာတဲ့ Hummer EV Edition 1 – Pick up