Jaguar ၏ Compact SUV အမၽိဳးအစားအသစ္ The New E-Pace ကိုျမန္မာျပည္ေစၽးကြက္သို႔စတင္မိတ္ဆက္

နာမည်ကျော်မော်တော်ကားထုတ်လုပ်ရေးကုမ္ပဏီ Jaguar မှနောက်ဆုံးပေါ်နည်းပညာများကို အသုံးပြုထုတ်လုပ် ထား သည့် Compact SUV အမျိုးအစားသစ် The New E-Pace ကိုမြန်မာပြည်စျေးကွက်သို့စတင်မိတ်ဆက်လိုက်ကြောင်း သိရ သည်။ Jaguar E-Pace တွင် 2.0L ဒီဇယ်နှင့်ဓါတ်ဆီအင်ဂျင်တို့ကို ရွေးချယ်နိုင်ပြီး မြင်းကောင်ရေအား ၁၅၀ မှ ၃၀၀ အထိထုတ်ပေးနိုင်ကြောင်းလည်း သိရသည်။ ဂီယာအမျိုးအစားအဖြစ် Auto ဂီယာ ၉ ချက် နှင့် Manual ဂီယာ ၆ ချက်ထိုးပါရှိပြီး လေးဘီးယက်စနစ် (AWD) စနစ်ကိုထည့်သွင်းပေးထားသည်။
ပြည်တွင်းတွင်ရရှိနိုင်သော E-Pace,E-Pace Dynamic အမျိုးအစား ၂ ခုလုံးကို S,SE,HSE ဆိုပြီးခွဲခြားထားကာ စက်စွမ်းရည်အဆင့် ၅ မျိုးရွေးချယ်နိုင်ရန်ထုတ်လုပ်ပေးထားပြီး ဒီဇယ်အင်ဂျင်ဖြင့် ၃ မျိုး၊ဓါတ်ဆီအင်ဂျင်ဖြင့် ၂ မျိုး အသီးသီးရရှိနိုင်မည်ဖြစ်ပါသည်။
“E-Pace ကအရင် F-Type လို Sport ဆန်တဲ့ပုံစံနဲ့ ပိုမိုတူညီပြီး F-Pace ကားအမျိုးအစားတွေထက် ပိုသာတဲ့အရည်အချင်းလည်းရှိပါတယ်။ ကိုယ်ထည်အရှေ့ဘက်၊အနောက်ဘက် အမိုးလိုင်းတွေရဲ့တည်ဆောက်ပုံကလည်း တကယ့်ကို လေပေါ်ပျံဝဲနေတဲ့အတိုင်းပါပဲ။ရှေ့မီးသီးတွေကို ကြည့်လိုက်ပါဦး။Jaguar ရဲ့အမိုက်စား၊အပျံစား SUV လို့ဆိုရမှာပါ” ဟု E-Pace ကားဒီဇိုင်နာ Mr.Ian Cullum မှဆိုထားသည်။
Jaguar E-Pace ကို USD 85,000 မှ USD 110,000 အတွင်းရှိမည်ဖြစ်ပြီး အရောင်အားဖြင့် ၈ မျိုးအထိ စိတ်ကြိုက်ရွေးချယ်ဝယ်ယူနိုင်မည်လည်းဖြစ်သည်။