အသစ္တစ္ဖန္ေမြးဖြားလာေတာ့မည္႔ Jaguar XK Sport Car

Jaguar သည် 2014 ၌ ထုတ်လုပ်မူ ရပ်စဲခဲ့သည့် ၎င်း၏ နာမည်ကျော် XK Sport Car အား အဆင့် မြှင့်တင်မူများစွာဖြင့် အသစ်ပြန်လည်မွေးဖွားမည်ဖြစ်သည်။ ၎င်းအား Elegant 4 – Seater Coupe အနေဖြင့် ဖန်တီးမည်ဖြစ်ကာ Mercedes S – Class Coupe ကဲ့သို့ ကားများကို အဓိက ယှဉ်ပြိုင်ရန်ရည်ရွယ်သည်။ ထို့ကြောင့် Jaguar’s ၏ new Flat ship model အနေဖြင့် ဖန်တီးမည် ဖြစ်ကာ လက်ရှိ F – Type Platform ကိုအခြေခံ ထုတ်လုပ်မည်ဖြစ်ပြီး ဖန်တီးမှု အားလုံးကို အသစ်တဖန်မွေးဖွားခြင်းဖြင့် ဖန်တီးမည်ဟု Jaguar ၏ Brand Design Director ဖြစ်သူ Mr Ian Cullum မှ ပြောကြားပါသည်။ F –Type သည် Jaguar ၏ Sport Car အနေဖြင့် ကားချစ်သူများကို အပြည့်အဝ စွဲဆောင်နိုင်ရန် မသေချာသည့်အတွက် နာမည်ကျော်ကြားခဲ့သည့် XK ဖြင့် Jaguar ချစ်သူများ၏ လိုအပ်မှုကို ဖြည့်စွက်ပေးမည်ဟုလည်း JLR ၏ Project Strategy ဌာန၏ အကြီးအကဲ Hanno Kirner မှပြောကြားပါသည်။ ထို့အပြင် 2 –Seater F – Type နှင့် ယခုထုတ်လုပ်မည် 2 + 2 XK Model တို့သည် မျိုးကွဲဖြစ်ကြပြီး နှစ်သက်သူများ အနေဖြင့်လည်း သီးခြားစီ တည်ရှိကြပါမည်။ လက်ရှိ F –Type Model အားလာမည့်နှစ်တွင် မျိုးဆက်သစ်အဖြင့် ပြောင်းလဲမည် ဖြစ်သည့် အတွက် Jaguar ၏ Sport Car ( ၂)မျိုးအား အသွင်သစ်ဖြင့် တွေ့မြင်ရမည်လည်းဖြစ်သည်။ အသစ် ထုတ်လုပ်မည့် XK Model တွင် Aluminum Architecture ဖြင့်ဖန်တီးမည်ဖြစ်ပြီး ဒီဇိုင်း ၊ ပါ၀င်မှုနှင့် စွမ်းဆောင်ရည်များ အားလုံးကို လုံးဝအသစ်ခံစားမှုများအနေဖြင့် ရရှိခံစားစေမည်ဟုလည်း Mr Ian Cullum မှ ထပ်လောင်း ပြောကြားပါသည်။ ပြန်လည်မွေးဖွားမည့် XK Sport Car သည် XK ၏ တတိယမျိုးဆက် ကားဖြစ်ပြီး ယခုနှစ် အနည်းငယ်အတွင်း ထွက်ရှိစေရန် Jaguar မှစီစဉ်ထားပါသည်။