SkyActiv-X နည္းပညာသုံးပထမဆုံး Mazda ၏ SUV ေမာ္ဒယ္အသစ္ CX-30 ကို ယခုႏွစ္ကုန္ပုိင္းတြင္ေရာင္းခ်ေတာ့မည္

Unicode Version…
ယခုလအေစာပုိင္းတြင္ က်င္းပျပဳလုပ္ေနေသာ 2019 Geneva Motor Show တြင္ Mazda မွ compact crossover SUV ေမာ္ဒယ္အသစ္ CX-30 ကုိစတင္မိတ္ဆက္သြားခဲ့သည္။ အဆုိပါ CX30 မွာ အလ်ား 4,395 mm ၊ အက်ယ္ ,795 mm ၊ အျမင့္ 1,540 mm ႏွင့္ Wherlbase 2655 mm ႐ွိၿပီး အျမင့္က CX-3 ႏွင့္တူညီေသ္လည္း Wheelbase က CX-3 ထက္ ပိုက်ယ္ကာ ဆုိက္အားျဖင့္ CX-3 SUV ႏွင့္ CX-5 တို႔ၾကားတြင္ ရွိေနသည္။ CX-3 ႏွင့္ CX-5 ၾကားေနရာတြင္ SUV ေမာ္ဒယ္ CX-4 ႐ွိေနျပီးသား ျဖစ္ေသာ္လည္း CX-4 ကို တရုတ္ Market တစ္ခုတည္းမွာပဲ ေရာင္းခ်ေနျခင္းျဖစ္ လည္းျဖစ္ကာ CX-30 ကို ကမာၻအႏွ႕ံသုိ႔ ေရာင္းခ်မည္ျဖစ္ျပီး CX4 ႏွင့္ေရာေထြးမွဳမရွိေစေအာင္ ထုတ္လုပ္ထားေၾကာင္း Mazda မွအခုိင္အမာ ဆုိထားသည္။ ၎၏ cargo space မွာ CX 5 ႏွင့္ အတူတူျဖစ္ေသာေၾကာင့္ ပစၥည္းမ်ားကုိအဆင္ေျပေျပထားရွိႏိုင္မည္ဟုလည္း ဆုိထားသည္။
အဆုိပါ ေမာ္ဒယ္သစ္ CX-30 သည္ All-New Mazda 3 ၿပီးလ်ွင္ Mazda New Generation Platform ကို အသံုးျပဳထားသည့္ ဒုတိယေျမာက္ေမာ္ဒယ္ ျဖစ္သည္။ Powertrain အေနႏွင့္ 2.0-litre SkyActiv-G petrol engine, 1.8-litre SkyActiv-D diesel engine ႏွင့္ new 2.0-litre SkyActiv-X petrol engine မ်ားကုိေရြးခ်ယ္ႏိုင္မည္ျဖစ္သည္။ Transmission မွာ Variant ေပၚမူတည္ၿပီး manual ႏွင့္ six-speed auto ကို ေရြးခ်ယ္ႏိုင္ျပီး AWD စနစ္ႏွင့္လာမည္ျဖစ္သည္။ အဆုိပါ CX 30 တြင္ 8.8-inch touchscreen infotainment system ပါဝင္ၿပီး Audio System အတြက္ Speaker (၈) လံုး တပ္ဆင္ေပးထားသည္။ လုံျခဳံေရးအေနျဖင့္ CX-30 တြင္ Front cross traffic alert, driver monitoring system, Adaptive cruise control တုိ႔အျပင္ Mazda’s Smart Brake Support တုိ႔ပါဝင္သလုိ CX-30 က Mazda ကားမ်ားထဲတြင္ driver’s knee airbag ပါေသာ ပထမဆံုး ေမာ္ဒယ္လည္း ျဖစ္လာမည္ျဖစ္သည္။ အဆုိပါ CX30 ကုိယခုႏွစ္အကုန္ပိုင္း တြင္စတင္ေရာင္းခ်သြားမည္ျဖစ္ေသာ္လည္း ေစ်းႏွဳန္းကိုမူထုတ္ျပန္ေၾကညာေသးျခင္းမရွိေပ။

Unicode Version…

SkyActiv-X နည်းပညာသုံးပထမဆုံး Mazda ရဲ့ SUV မော်ဒယ်အသစ် CX-30 ကို ယခုနှစ်ကုန်ပိုင်း တွင်ရောင်းချတော့မည်
ယခုလအစောပိုင်းတွင် ကျင်းပပြုလုပ်နေသော 2019 Geneva Motor Show တွင် Mazda မှ compact crossover SUV မော်ဒယ်အသစ် CX-30 ကိုစတင်မိတ်ဆက်သွားခဲ့သည်။ အဆိုပါ CX30 မှာ အလျား 4,395 mm ၊ အကျယ် ,795 mm ၊ အမြင့် 1,540 mm နှင့် Wherlbase 2655 mm ရှိပြီး အမြင့်က CX-3 နှင့်တူညီသေ်လည်း Wheelbase က CX-3 ထက် ပိုကျယ်ကာ ဆိုက်အားဖြင့် CX-3 SUV နှင့် CX-5 တို့ကြားတွင် ရှိနေသည်။ CX-3 နှင့် CX-5 ကြားနေရာတွင် SUV မော်ဒယ် CX-4 ရှိနေပြီးသား ဖြစ်သော်လည်း CX-4 ကို တရုတ် Market တစ်ခုတည်းမှာပဲ ရောင်းချနေခြင်းဖြစ် လည်းဖြစ်ကာ CX-30 ကို ကမ္ဘာအနှံ့သို့ ရောင်းချမည်ဖြစ်ပြီး CX4 နှင့်ရောထွေးမှုမရှိစေအောင် ထုတ်လုပ်ထားကြောင်း Mazda မှအခိုင်အမာ ဆိုထားသည်။ ၎င်း၏ cargo space မှာ CX 5 နှင့် အတူတူဖြစ်သောကြောင့် ပစ္စည်းများကိုအဆင်ပြေပြေထားရှိနိုင်မည်ဟုလည်း ဆိုထားသည်။
အဆိုပါ မော်ဒယ်သစ် CX-30 သည် All-New Mazda 3 ပြီးလျှင် Mazda New Generation Platform ကို အသုံးပြုထားသည့် ဒုတိယမြောက်မော်ဒယ် ဖြစ်သည်။ Powertrain အနေနှင့် 2.0-litre SkyActiv-G petrol engine, 1.8-litre SkyActiv-D diesel engine နှင့် new 2.0-litre SkyActiv-X petrol engine များကိုရွေးချယ်နိုင်မည်ဖြစ်သည်။ Transmission မှာ Variant ပေါ်မူတည်ပြီး manual နှင့် six-speed auto ကို ရွေးချယ်နိုင်ပြီး AWD စနစ်နှင့်လာမည်ဖြစ်သည်။ အဆိုပါ CX 30 တွင် 8.8-inch touchscreen infotainment system ပါဝင်ပြီး Audio System အတွက် Speaker (၈) လုံး တပ်ဆင်ပေးထားသည်။ လုံခြုံရေးအနေဖြင့် CX-30 တွင် Front cross traffic alert, driver monitoring system, Adaptive cruise control တို့အပြင် Mazda’s Smart Brake Support တို့ပါဝင်သလို CX-30 က Mazda ကားများထဲတွင် driver’s knee airbag ပါသော ပထမဆုံး မော်ဒယ်လည်း ဖြစ်လာမည်ဖြစ်သည်။ အဆိုပါ CX30 ကိုယခုနှစ်အကုန်ပိုင်း တွင်စတင်ရောင်းချသွားမည်ဖြစ်သော်လည်း ဈေးနှုန်းကိုမူထုတ်ပြန်ကြေညာသေးခြင်းမရှိပေ။

LEAVE A REPLY

Please enter your comment!
Please enter your name here