မန္တလေး၊ပြင်ဦးလွင်မြို့နယ်၊ပြင်စာအနီး(Cyber City)ရှိ ကွင်းအတွင်း၌ ၂၀၁၈ခုနှစ် ဖေဖေါ်ဝါရီလလယ်တွင် Motor Sport Association of Mandalay (MSAM)မှကြီးမှူး၍ Myanmar Drift Champion Ship -2018 ကျင်းပရန်စီစဉ်လျက်ရှိရာအနယ်နယ်အရပ်ရပ်မှ Racer
များဝင်ရောက်ယှဉ်ပြိုင်နိုင်ကြောင်း MSAM အဖွဲ့မှ ကိုအိပိုင်ကပြောသည်။
“အားကစားတစ်ခုအဖြစ်နဲ့ ပြိုင်ပွဲတွေလုပ်ပြီး အိမ်နီးခြင်းနိုင်ငံတွေမှာ
သွားရောက်ယှဉ်ပြိုင်နိုင်ဖို့ ရည်ရွယ်လုပ် ဆောင်တာပါ။ပြိုင်ပွဲမှာ
အကောင်းဆုံးနဲ့ ကြီးကျယ်ခမ်းနားအောင် စီစဉ်နေပါတယ်။ ရည်မှန်း ထားတာကတော့တစ်နှစ်ကို ၂ ကြိမ်လောက်လုပ်ဖို့ပါ။”ဟု ၄င်းကပြောသည်။
ထိုင်းနိုင်ငံတွင် ဒီဇင်ဘာလကကျင်းပသည့် အာရှအဆင့် ကားမောင်းပြိုင်ပွဲတွင်မြန်မာနိုင်ငံကိုယ်စားပြုယှဉ်ပြိုင် သူ ၂ ဦးရှိခဲ့ပြီး
ဆုများလည်းရရှိခဲ့ကြောင်း၊ယင်းကဲ့သို့ ပြိုင်ပွဲများမှ တဆင့်
နိုင်ငံတကာပြိုင်ပွဲများသို့ ၀င်ရောက် ယှဉ် ပြိုင်ကာ
နိုင်ငံ၏ဂုဏ်ဆောင်နိုင်ရန်အတွက်
ပြည်တွင်းပြိုင်ပွဲများပြုလုပ်နေခြင်းဖြစ်ကြောင်းသိရသည်။
“ပြီးခဲ့တဲ့ ၂၀၁၇ ဧပြီလက လုပ်တဲ့ ပွဲမှာ
တစ်နိုင်ငံလုံးကြည့်ရှုနိုင်အောင် MRTV-4 က တိုက်ရိုက်လွင့်ခဲ့ပါတယ်။
ဒီနစ်လည်း တိုက်ရိုက်လွင့်နိုင်ဖို့ စီစဉ်မှာပါ။ပြိုင်ပွဲမှာပါ၀င်မှာက
သေချာတာတော့ Car Drift ပါ။Time Attack ပါ/မပါတော့ နီးမှပဲ
ပြောနိုင်မယ်။တခြားဆိုင်ကယ်စတန့်၊စက်ဘီးစတန့်နဲ့ Music Show
ပွဲတွေကိုလည်း ဖြစ်နိုင် ရင် ထည့်သွင်းနိုင်အောင်တော့
ကြိုးစားနေပါတယ်။”ဟု ဆက်လက်ပြောကြားသည်။
အဆိုပါပြိုင်ပွဲများကို(MSAM)အနေဖြင့် ၀ါသနာအရ ကျင်းပပြုလုပ်ကာ
ကားမောင်းကျွမ်းကျင်သူ Racer များ မွေးထုတ်ပေး ပြီး
နိုင်ငံတကာအဆင့်မှီပြိုင်ပွဲများသို့ ယှဉ်ပြိုင်နိုင်ရန်
တွန်းအားပေးခြင်းဖြစ်ကြောင်း၊ ပြိုင်ပွဲအမျိုး အစားတွင် Grade A နှင့်
Grade B ဟူ၍ခွဲထားပြီးတမျိုးလျင် ပထမ၊ဒုတိယ၊တတိယ ဟူ၍ ဆုချီးမြှင့်သွားမည်
ဖြစ်ကြောင်းသိရသည်။
ကျော်ထက်
